Instituisaun Tutela
1. Insitutu Estudu Diplomátiku
Institutu Estudu Diplomátiku Institutu Estudu Diplomátiku, ne'ebé ho naran IED, nu'udar entidade legál públika, iha forma instituisaun públiku ida-ne'ebé iha responsabilidade atu hala'o atividade formasaun no peskiza iha área diplomasia no relasaun internasionál sira. Regulamentu legál sira ne'ebé iha relasaun ho estrutura, organizasaun no funsionamentu husi IED ne'e hetan ona aprovasaun tuir dekretu lei.
2. Ajénsia Kooperasaun Timor-Leste
Ajénsia Kooperasaun Timor-Leste nian, abreviada ho naran ACT-L, nu'udar entidade legál ida ne'ebé regula husi lei públika, iha personalidade jurídika, iha autonomia administrativa no finanseira no patrimóniu rasik. ACT-L mak responsável ba supervizaun, koordenasaun no implementasaun polítika nasionál ba kooperasaun internasionál ba dezenvolvimentu, inklui asisténsia umanitária, ho objetivu atu hametin relasaun ho Timor-Leste.
3. Ofisiál Autorizasaun Nasionál (NAO sigla ingléz)
Servisu Ordenadór Nasionál (NAO) nian maka sai nu'udar responsavel ba Ministériu Negósius Estranjeirus no Kooperasaun atu reprezenta operasaun hotu-hotu ne'ebé finansia husi Fundu Europeu ba Dezenvolvimentu (FED) Uniaun Europeia nian. Gráfiku organizasionál husi Servisu NAO ne'e jere liuhusi kolaborasaun di'ak ho Delegasaun UE (EUD), ne’ebé iha responsabilidade atu implementa:
- Preparasaun no submisaun ba programa no projetu sira, tantu projetu nasionál no rejionál (PALOP-TL no Pasífiku);
- Ezaminasaun no finaliza konkursu sira molok submete ba aprovasaun husi EUD;
- Koordenasaun, monitorizasaun no avaliasaun ba projetu no programa sira ne'ebé finansia liuhusi EDF bad ala-11;
- Garante ezekusaun ne'ebé adekuadu ba programa sira iha ámbitu Programa Indikativu Nasionál (PIP) no doasaun hotu-hotu husi UE;
- Preparasaun, implementasaun no jestaun estimativa programa NAO nian.
4. Uniaun Europeia (UE) noTimor Leste (T-L)
MNEK, iha loron 03 fulan-fevereiru tinan 2022, Uniaun Europeia (UE) no Timor-Leste (T-L) fó-sai prioridade sira ba programa kooperasaun foun ida husi UE/T-L. UE sei fornese finansiamentu ho montante EUR millaun 55 ba períodu ne'e to'o tinan 2024 atu apoia inisiativa oioin ba dezenvolvimentu T-L no atu promove kooperasaun di'ak ba parte rua ne'e. Programa Indikativu Multianuál UE nian ba tinan 2021-2027 aprezenta ofisialmente husi S.E. Ministru Negósius Estranjeirus no Kooperasaun Dra. Adaljiza Magno no S.E. Embaixadór Uniaun Europeia nian ba T-L, Sr. Andrew Jacobs.
Ho dokumentu estratéjiku foun ida ne'e, UE kompromete atu fó apoiu ba prioridade sira ne'ebé define ona no konsulta ho autoridade Timor-Leste nian sira. Iha mós konsulta ho parte interesada prinsipál sira seluk, liuliu Organizasaun Sosiedade Sivíl sira, inklui organizasaun feto no joven sira, autoridade lokál sira, reprezentante sira husi setór privadu, ONU no parseiru dezenvolvimentu sira seluk T-L.
Programa foun ne iha prioridade prinsipál rua: Prioridade 1 – Dezenvolvimentu no Rekuperasaun Ekonómiku ne’ebé matak no sustentável; Prioridade 2 - Boa governasaun ba dezenvolvimentu sustentável. Ba faze primeiru, husi 2021-2024, UE sei dedika kontribuisaun ida husi EUR millaun 55 (aprosimadamente USD 61 millaun). Alokasaun orsamentu ba tinan 2025-2027 sei determina hafoin revizaun médiu prazu iha 2024. Embaixadór Andrew Jacobs hateten iha lansamentu ne'e: "Uniaun Europeia iha parseria naruk ho T-L, ne'ebé bazeia ba valór komún demokrasia, direitus umanus no Estadu direitu nian. Ohin loron ita marka ona pasu ida ba iha ita-nia kooperasaun, ho kompromisu atu fó apoiu ba rekuperasaun ekonómika matak no sustentável ("Akordu Verde ida") no ba boa governasaun ba dezenvolvimentu sustentável.” Ha'u sente haksolok tebes tanba ita intensifika apoiu ba T-L, iha diversifikasaun ekonomia no iha ninia esforsu sira iha integrasaun ekonómika rejionál, inklui preparasaun sira ba adezaun ba ASEAN."
Ministru Magno hateten: "Ha'u rekoñese katak programa Uniaun Europeia nian iha ámbitu parseria foun Uniaun Europeia nian sei kompleta esforsu Governu nian ba moris-di'ak povu T-L. Ha'u husu ba ha'u-nia maluk membru governu nian sira atu aproveita oportunidade ne'e no realiza planu Governu nian atu serbí ita-nia povu. No ha'u fó parabéns ba Uniaun Europeia nu'udar parseiru dezenvolvimentu dahuluk iha T-L ne'ebé daudaun ne'e iha ona faze atu apoia T-L no implementa prinsípiu sira kona-ba "Country-Owned, Country-Led and Use Country System". Ba ida ne'e, ha'u kontinua hala'o diálogu polítiku anuál no diálogu polítika públika regulár ne'ebé sei kontinua hanesan instrumentu ne'ebé folin boot liu atu hametin no mantein ita-nia kooperasaun" Adosaun ba Programa Indikativu Anuál ne'e hanesan pasu importante ida hodi reforsa kooperasaun UE nian ho T-L. Ida ne'e sei permite UE no T-L atu kontinua serbisu hamutuk nafatin iha programa no projetu sira ne'ebé harii bazeia ba objetivu, prinsípiu no valór sira ne'ebé hanesan. Ida ne'e mosu iha tempu ne'ebé UE hahú implementa estratéjia foun ida kona-ba kooperasaun iha Indo-Pasífiku.
